977-1-4437552
काठमाडौ, भाद्र १० - बाबुबाट बलात्कृत युवतीले अपराधकर्ममा हजुरबाको पनि सहयोग गरेको आरोप लगाएलगत्तै काभ्रेका एकजना ७३ वर्षीय बृद्धले आत्महत्या गरेका छन् ।
काठमाडौंमा उपचाररत बलात्कृत नातिनीले अपराधकर्मममा बाबुलाई आमा र हजुरबाको पनि सहयोग रहेको बयान दिएपछि बृद्धले आत्महत्या गरेका छन् ।
काभ्रे, पनौति- २ का प्रकाश कार्कीलाई छोरीको किटानी जाहेरीका आधारमा प्रहरीले सोमबार पक्राउ गरेको थियो । ११ वर्षदेखि बलात्कारको शिकार भएकी १९ वर्षीय किशोरीले आत्महत्याको प्रयास गरेपछि बलात्कारको घटना बाहिर आएको थियो ।
पीडित युवतीलाई अहिले काठमाडौंस्थित रक्षा नेपालको सेल्टरमा राखिएको छ । 'पीडितको अवस्था दयनिय छ, मानसिकरुपमा विक्षिप्त छिन्,' रक्षा नेपालकी अध्यक्ष मेनुका थापाले ईकान्तिपुरसित भनिन्, 'चिकित्सकको निगरानीमा उपचार भइरहेको छ ।'
बाबुका चार श्रीमती
बलात्कृतका बाबु प्रकाशका चार श्रीमती छन् ।
पहिलो श्रीमतीबाट छोरा नभएपछि कार्कीले माइली काभ्रेकै, साइँली मकाउमा र कान्छी काभ्रेबाट विवाह गरेका थिए । बलात्कृत युवती माइली श्रीमतीकी जेठी सन्तान हुन् ।
पटक पटक अनेक बहानामा बलात्कृत भएपछि आत्महत्या प्रयास गरेकी ती युवतीले प्रहरीसँग आत्महत्याको कारण खुलाएकी थिइन् । सुसाइट नोटमा- 'बाउको कान्छी श्रीमती बस्नुभन्दा मर्नु बेस । मरेपछि बलात्कार गर्ने बाउ र हजुरबाउलाई मृत्युदण्ड'को माग गरेपछि घटना खुलेको थियो ।
प्रकाशित मिति: २०७१ भाद्र १० ०२:५२
Ramila got love marriage at her early age with so ...
In Nepal, thousands of women who work in massage ...
My Nepalese journalist friend Jitendra GC&nb ...